لنا اللة

فى مفاجاه ساره لجماهير نادى الزمالك التى زاقت الامرين من شوبير وغيره من الاعلاميين اصحاب التحيز الواضح ضدد الزمالك ولن اقول لصالح الاهلى لانهم خسروا ايضا احترام الاهلاويه لهم
والخبر هو تعاقد قناه دريم مع الاعلامى خالد الغندور كى يكون مشرف عام على الفقره الرياضيه ومقدم برامج فى قناه دريم
وانا بقول خبر سعيد للزملكاويه لاننا بالفعل لم نجد اى مقدم برامج معتدل ولا يكره الزمالك فمعظم مقدمى البرامج يفرحون فى الزمالك عندما يكون فى ازمة وكأن الزمالك نادى اجنبى لا يمت لمصر بصله
ولاحظوا معى مشكله القبانى وفسخ تعاقده مع الزمالك نجد ان كل البرامج الرياضيه تناولت الخبر بطريقة غريبه جدا وكل البرامج الرياضيه التى لا يكون مقدمها زملكاوى نجد انه يستضيف الاعب ويوجه له اساله كلها غباء واستفزاز حتى يوقع الاعب فى الخطا
والبرامج التى استضافت وائل القبانى هى ( برنامج الملعب الى على قناه المحور _ برنامج البيت بيتك طبعا بتاع شوبير _ برنامج الرياضة اليوم بتاع الاخوين رايت - برنامج مش عارف اسمة بيقدمة مجدى عبدالغنى )
وعشان تشوفوا الاستفزاز الحقيقى من قبل هؤلاء الاخوه المحايدين :
من ضمن الاسئله التى سالها شوبير لوائل القبانى : انت ندمان انك مرحتش الاهلى عندما وقعت على عقد ورفضت تروح ؟؟؟
بالله عليكم هذا سؤال يساله مقدم برامج من المفروض انه محايد ؟؟؟؟
طبعا رد وائل القبانى كان واضح وصريح وقاله انا مندمتش انى مرحتش الاهلى وفضلت فى الزمالك وكان ممكن اروح الاهلى ويحصل معايا زى ما حصل مع اكوتى وغيرهم
وانا كنت حاسس من رد وائل انه عايز يقول لشوبير بطل تعصب بقى واسال اساله محترمة حتى ان وائل كان بيشكر جماهير الزمالك والمدربيين التى اشتغل معاهم فى الزمالك والاداره بتاعة الزمالك بدون حتى سؤال من شوبير .
والسيد شوبير سال محمود محمود سؤال كله خباثة ومكر
قاله لو انت تالقت مع الاتصالات وجالك عرض من الاهلى وعرض من الزمالك هتختار مين
وطبعا واضح السؤال جدا خصوصا فى الوقت ده بالذات
رد محمود وقاله يا كابتن انا زملكاوى ولو الزمالك طلبنى فى اى وقت هرفض اى عرض وهروح الزمالك
رد شوبير تانى : حتى بعد الى حصل
قاله حتى بعد الى حصل فانا لولا ان الزمالك سابنى استحاله كنت اسيبه
شايفين مقدمى البرامج المحايدين واسالتهم المحايده
انا طولت عليكم
ويا رب خالد الغندور يكون محايد وميكنش مع الزمالك برغم اننا نحتاج من يساعد الزمالك لكن ايضا لا يكون على حساب الانديه الاخرى
اتمنى ان ارى خالد الغندور محايد واذا جامل الزمالك على حساب الغير لن احترمة
وشكرا ليكم
على فكره الخبر من المصرى اليوم ومن مقال خالد الغندور نفسه فى الجريده