من هو ؟ ما هو ؟ كيف هو ؟ ما بعد هو ؟
الكلام مش فزورة الكلام كبير كل اللى عايزينه ومطلوب منك انك ترجع بذاكرتك لورة شوية
لورة كمان لغاية لما توصل للنقطة الفاصلة فى حياتك أو الحاسمة أو المصيرية
زى ما أنت عايز أو عايزة تسموها .. أوضح أكتر .. ماشى مع أنى بحب اللى يفهم بالأشارة
فى أى حياة الطبيعية لأى انسان واحط تحت الطبيعية مائه خط لازم يكون فى فترات انكسار وفترات نجاح
أوقات فرح وسرور ونجاح وأوقات حزن وضيق وألم ... أوقات بنحس أن الدنيا ديه كلها فى ايدينا .. وأوقات بنحس أننا محبوسين في جحر صغير فيها ومش عارفين نتنفس .. لكن تبقى القاعدة الأساسية اللى بتخضع الحياة ديه كلها ليها وهى ( وكل ضيقة بعدها وسعة .. واهى ديه الحقيقة بس منسية )
لازم بعد كل حزن فرح جاى ، بعد كل ألم سعادة جاية ، بعد كل فشل نجاح بس أمتى ؟
هى مسألة وقت وهايجى
طب دلوقتى الموضوع بيكلم فيه ايه بالضبط ؟
الموضوع بأختصار بيكلم فى أن كل واحد فينا أكيد أتعرض لأيام صعبة فى حياته وظروف قاسية مر بيها وأكيد بردوا خرج من الظروف ديه لكن السؤال خرج ازاى ؟ .. ومين كان السبب ؟
شخص أو موقف أو عبرة أو كلمة ولا ايه بالضبط اللى ساعده انه يخرج من أى ظرف صعب فى حياته ؟
وما بعد الخروج من الظروف الصعبة كيف كانت حياته وعمل ايه ونجح فى ايه وغير ايه اللى مكانش عارف يغيره
عايزين الناس تتكلم وتحكى وتقول ونستفيد من بعض
طبعا اللى عايز يحكى الظرف الصعب فى حياته يحكيه واللى مش عايز احنا عايزين نعرف بس السبب فى التغيير
دا اذا كان حد ليه مزاج يحكى يعنى
موضوع: ايه اللى غير حياتك ؟, ولا هى ماتغيرتش 
الإثنين أغسطس 06, 2007 10:59 am
